Sokoa, sozietate-taldea

partager sur facebook partager sur twitter partager sur google plus envoyer à un ami plus

Sortu denetik, SOKOAk parte-hartze finantziarioaren aldeko politika landu du. Gehienetan gutxieneko batetik izan bada ere, enpresaren oinarrizko baloreetariko bat garatzea izan du helburu, tokiko garapen ekonomikoa, alegia.    

Politika  horri esker, SOKOAk 280 enpresetan, zuzenki edo zeharka, parte-hartu du  eta Euskal Herrian 3 800 lanpostu sortzen edo mantentzen lagundu du 40 urte hauetan. 1990etik aintzinera, merkatuan zeukan garapena ikusita bere arloan jarduten zuten hainbat enpresa erosteari ekin  zion Europa osoan.  

Kanpo garapen horren bidez, SOKOAk enpresaren trebetasuna indartu nahi du eskaintzen dituen produktuen sorta horren zabaltzean, baina batez ere beste merkatu batzuetara iristean. SOKOAk talde bezala dihardu, enpresei autonomia handia utziz, markei eutsiz eta arduradunei zein langileei kapitalean  sartzeko eskaintza adierazgarria eginez.  
Salmenta guztiak bateratuz, taldeak 100M € gainditu zituen 2011n. 900 langile zituen orduan. SOKOA taldeak bide ziur horretatik jarraitu nahi du eserlekuen, altzari profesionalen eta harrerarako ekipamenduen inguruan era askotan garatuz, eta enpresaren giza neurria mantenduz.